Жасыл орақ – 2024
![](https://qarqaragazeti.kz/wp-content/uploads/2024/08/IMG_0824-905x613.jpg)
Тұйық ауылы, таулы жазығы шамалы, ылдиы мен өр – еңісі алдыңнан жиі кездесетін табиғаты сұлу, жазы жайдарлы, қысы салқын өңірге жатады. Жер қойнауы асты үстінде толған жақұт десе ешкім де жаңылыса қоймайды. Жомарт өлкенің халқы төрт түліктің төресі жылқы, сиырмен бірге қой шаруашылығымен айналысады. Ұзақ жыл Тұйықтың іргесінде әлем елдері қызығарлық кен орны тынбай жұмыс жасауда.
Текелі өндіріс орнына Тұйық рудасы тасымалданып, қорғасын, мырыш біз біле бермейтін металл түрлері өндіріледі. Қайтадан ашылған кен орыны ауыл тұрғындарына жұмыс көзі болып, өз отбасыларын асырап отырған жайы бар. Жыл өткен сайын округте малшаруашылығы өркендеп дамып келеді. Солардың бірі жүргізуші механизатор, дәнекерлеуші бесасбап азамат жаздың бір күні жылға азық деген даналықты бос жібермейтінін көрдік. Жүргізуші, кімге болса да қол көмегін аямайтын ЗИЛ – 130 автомашинасымен Керімбек Азаматты Тасашы округіне қарасты «Қаламқас» шаруақожалығында кездестірдік.
Өз өңірінің тіршілігін аяқтап, отбасы ошаққасы қамын ойлаған азаматтың бұл тірлігіне бізде ризашылығымызды білдірдік.
Суретте: жүргізуші Керімбек Азамат тиелген шөпті қыстауға тасымалдау сәтін байқайсыздар.
Суреттерді түсірген Нұрболат Тастанқұлов.