ДӘНЕКЕРЛЕУШІ АЙМАН КЕЛІН
Аналарымыздың қашан көрсеңде қарбалас шақтан қолы босамайтын үй тірлігінің бітпейтіні анық. Сөйте тұра ер адамға тән жұмысты қыз баланың меңгергені кімді болса да ойландырмай қоймайды. Әйел аналар автокөлік жүргізіп жүргенін көріпте жүрміз, оған көзімізде үйреніп кетті. Ал электркөзімен дәнекерлеушіні кез – келген ауылдан кездестірмейсіз. Сіз қолыңызға электр дәнекерлеу аппаратын ұстап көрдіңіз бе? Көбіңіз жоқ, деген жауап беретініңіз рас. Біз үшін қиын секілді болғанымен Айман Сейітқызына еш қиындығы болмағандай сезімде болды.
– Кәсіптің оңайы болмайды, деседе өзім таңдау жасаған соң мен үшін еш қиындығы жоқ аға – деп күліп қойды. Бізге түсіп жатқан тапсырыстарды сапалы орындау біздің күнделікті әдетіміз дейді кәсіпкер Айман. Қалада автобусты зымыратып жүргізіп жүрген қыздарды көргенімізде таңданысымызды жасырмай жарайсың қарындасым деп риза көңілмен аялдамадан түсіп қалып жүрдік. Айман келінге тіпті риза болдым. Өз қолымнан мұндай іс келмейтінін білемін. Айман келін үй жұмысымен, дала жұмысын қатар алып жүргені екінің бірінің қолынан келе бермейді. Үйдегі бала тәрбиесіде күрделі шаруаның үлкені. Отағасы Төлегенмен бас қосқалы бері осы кәсіпті үйренгенін жасырмады. Маңдай тер, еңбек, кәсібің – нәсібін екенін түсінген Төлеген Разақов үй ауласынан техникалық күтім және бүлінген, майысқан автокөліктерді қайта қалпына келтіру, әрлеп сырлау ісімен айналысқанына біраз уақыт өтіпті. Қаладан ауылға көшіп келген жастардың тізімінде осы отбасын атауымызға болады. Кәсібін Алматыда бастап, үйренгенін жасырмады. Алматы мереке, ауыл береке екенін түсінген жастар Кеген ауылынан кәсіп ашып халық сұранысындағы автокөлік әрлеу цехын ашып жұмыстарын бастап кетіпті. Төлегеннің еңбекқор екенін төңерегіндегі көршілері де мақтан тұтады екен. Әр бір көлік жасатушы риза болып алғысын аямайтынын естідік. Батамен ел, жаңбырмен жер көгереді демей ме дана халқымыз. Ұйыған отбасына бізде ризашылығымызды білдіріп, ел алғысын арқалай беріңдер дедік.
Суретте: дәнекерлеуші Айман Сейітқызы мен көлік әрлеуші Төлеген Разақов жұмыс үстінде.
НҰРБОЛАТ ТАСТАНҚҰЛОВ,
Қарқара.
