Кеген ауданында «Әйел – отбасы шырағы» акциясы өткізілді

Ер адам – отбасының тірегі, ал әйел – оның ұйтқысы, жылуы, шуағы екені баршамызға мәлім. Қоғамның ұяшығы ретіндегі отбасының мызғымастығы мен қорғалуы, ана мен бала құқықтарын қорғау мәселесі әрқашан полицияның назарында.

Осыған орай Халықаралық әйелдер күні қарсаңында өңірдің полицейлері мүдделі ведомстволармен, үкіметтік емес ұйымдармен және еріктілермен бірлесіп, 3-5 наурыз аралығында «Әйел – отбасы шырағы» акциясы өтті.

Акцияның мақсаты – отбасылық құндылықтарды насихаттау, ана мен баланың құқықтарын қорғау, әйелдерге қарсы құқық бұзушылықтардың алдын алу, тұрғындармен ақпараттық-құқықтық түсіндіру жұмыстарын жүргізу және дағдарыс орталықтарының қызметімен таныстыру.

Құрметті азаматтар, егер сіздердің біреулеріңіз отбасындағы зорлық-зомбылықтың құрбаны немесе куәгері болсаңыз, «102» телефоны бойынша хабарласыңыз. Есіңізде болсын, мұнда Сіз әрқашан қажетті қорғанысты таба аласыз.

М.Айнекеева,

Кеген АПБ ЖПҚБ Әйелдерді зорлық зомбылықтан қорғау тобының инспкторы полиция лейтенанты.