14 наурыз – Көрісу күні.
Бұл күнді амал мерекесі деп те атайды. Себебі адамдар осы күні бұрынғы өкепе-реншті ұмытып, бір-бірімен көрісіпі, саулық тілесіп жатады. Қыстан аман шыққандығын, көкпен қауышып, тіршілік көзі оянуымен құттықтап, бір-біріне деген ізгі ілтипаттарын білдіреді. Көктеммен қатар адам бойында жылылық, мейірім орнап, көңіл жадырайды. Сондай бір жақсылықпен қауышып, қыстағы аяз қайтып, жер ана бусанатын мезетте тіршілік жаңарады. Адам біткен сыйластығы артып, тебіндеп шыққан көкке мал жайлап, табиғаттың әсем көрінісіне куә болады. Бұл да бір жер ананың тіршілік иесіне деген толассыз жақсылығына баласақ, көктемнің жайма шуақ таңы мерекеден мерекеге ұласып жатады. Ел біткен жақсылыққа жаны құмартып, жылынған күнмен шуақтана жадырайды. Табиғаттың тылсым күші өз ырқынан босап, қыстың беті қайтып, көгілдір көктем таңы шуақ шашады.
Көрісу, амал күні құтты болсын! Еліміз аман, жеріміз тыныш, бейбіт таңы арайлап атып, ұрпағымыздың ертеңі нұрлы болсын! Адам арасындағы ынтымақ ыдырамай, жайдары көктемдей жақсылыққа тамырын жая берсін!
