Алғысқа бөленген ана
Ауылымыздың ардақты анасы Жидебаева Тұрахан 1948 жылы қазан айында дүниеге келген. Тұрахан апамыз Қасенов Байжұма атамызбен отбасын құрып, 6 бала тәрбиелеп өсірді. Кәзіргі кезде апамыз, 19 немере, 5 шөбере сүйген ардақты әже. Тұрахан апамыз кезінде Полевойстанда неше жыл аспазшы болып, зейнетке шыққан. Атамыз бен апамыз жеке шаруашылық құрып, мал шаруашылығымен айналысқан. Апамыздың қолынан шыққан қымыз, құрт, май ел аузында. Апамыз көпшіліктің тойында қазан-қазан күріш басып, алғысқа бөленген. Апамыз көрген жерде ауыл келіндеріне ақыл –кеңесін айтып, бағыт-бағдар беріп отырады. Қолы бос уақытында апа құрақ құрап, жіп иіріп тоқыма тоқиды.
Апамыздың өзіне тән немере қызы, Байжұма Арай өнер, білім мен спорттан да құр алақан емес. Арай немересі дзьюдо мен самбодан спорт шеберлігіне үміткер. Әкесі мен анасының қара шаңырағына ие болып отырған, Қасенов Ғани ауылымыздың бетке ұстар азаматтарының бірі.
Алғыс айту күніне байланысты, ауыл аналары атынанан Тұрахан апаға алғыс айтамыз! Біз сізді құрмет тұтамыз!
Бөлексаз ауылының аналар кеңесі : Акимжанова Гульнар
