![](https://qarqaragazeti.kz/wp-content/uploads/2022/02/IMG-20220228-WA0013-1-905x613.jpg)
Ағымдағы жылдың 1 қаңтарынан бастап жеке кәсіпкерлер үшін «E-Salyq Business» мобильді қосымшасы іске қосылды.
«E-Salyq Business» – арнаулы салық режимдерін қолдану кезінде салықтық және әлеуметтік төлемдер бойынша міндеттемелерді орындауға арналған.
Арнаулы мобильді қосымша салық төлеушінің электрондық цифрлық қолтаңбасы арқылы куәландырылған электрондық құжат негізінде арнаулы салық режимін қолдану, дара кәсіпкер ретінде тіркеу есебіне қою (осындай тіркеу есебінен шығару) кезінде салықтық міндеттемелерді және әлеуметтік төлемдер бойынша міндеттемелерді орындаудың оңайлатылған тәртібін қолдану мақсаттары үшін мемлекеттік кірістер органы әзірлеген.
Мобильді қосымшаны арнаулы салық режимі бойынша кәсіпкерлік қызметті жүзеге асыруға ниет білдірген жеке тұлғалар, сондай-ақ арнаулы салық режимін қолданатын дара кәсіпкерлер мен әкімшілендіруді және оның жұмысына мониторинг жүргізуді жүзеге асыратын мемлекеттік кірістер органдарының қызметкерлері пайдаланады.
«Мобильді қосымшаны пайдаланушылар ретінде тіркелу үшін арнаулы салық режимі бойынша кәсіпкерлік қызметті жүзеге асыруға ниет білдірген жеке тұлғалар, сондай-ақ арнаулы салық режимін қолданатын жеке тұлғалар салық режимін, қызмет түрін, сондай-ақ дара кәсіпкер қызметінің орналасқан жері бойынша аумақтық мемлекеттік кірістер органын таңдай отырып, дара кәсіпкер ретінде тіркелуді жүргізеді»,-деді Текелі қаласы бойынша Мемлекеттік кірістер басқармасы Салық төлеушілермен жұмыс бөлімінің басшысы- Қарақат Сұлтанғалиева.
Айта кетелік, мобильді қосымша дара кәсіпкер ретінде тіркеу есебіне қою және осындай тіркеу есебінен шығару, салық режимін таңдау және өзгертуге мүмкіндік береді.