Қазақстан Республикасының Тұңғыш Президенті күніне орай қос қуаныш!
Ауданымыздың тарихында бірінші рет ауруханада оттегі станциясы орнатылды.
Кеген аудандық ауруханасы коронавирустың болуы ықтимал екінші толқынына жан-жақты дайын. Облыстық денсаулық сақтау басқармасының бұйрығы бойынша коронавируспен күреске бағытталған 2-ші деңгейлі инфекциялық аурулар бөліміне 10 төсек (резервте 15 төсек) бекітілген, оның ішінде біреуі реанимациялық төсек (қажет болған жағдайда емхана бөлімінің ғимаратынан екінші деңгейлі инфекциялық төсектерді 60 төсекке дейін ұлғайтылады). Екінші деңгейлі инфекциялық аурулар бөлімі емхана ғимаратының 2-ші қабатында орналасқандықтан медицина қызметкерлеріне арналған бөлмелер қайта жабдықталып, жуынатын жерлерді қайта дайындалды.
Екінші деңгейлі инфекциялық стационар ұйымдастырылған емхана ғимаратында 50 нүктелік кислородтық станция орнатылды. Аурухана екі айға жететін дәрі-дәрмек қорымен қамтылған. Қазіргі уақытта 61 дәрігер, 246 мейірбике және 84 тазалықшы жұмыс істеп жатыр.
Бүгінгідей мереке күні аудан әкімі Байедилов Талғат Ескендірұлы арнай құтықтап халқымыздың денсаулығын сақтау, жақсарту мақсатында ауданымызға берілген жылжымалы медициналық кешеннің және жедел жәрдем көлігінің кілтін тапсырды.
Адамдардың денсаулығын сақтауға, алдын алуға арналған қиын да күрделі, игілікті істеріңіз жемісті бола берсін!
Тәуелсіз Отанымыздың босағасы берік, шаңырағы биік, керегесі бекем, мерейі үстем болсын!
