«ЗАҢ МЕН ТӘРТІП» ЖӘНЕ «КІТАП ОҚИТЫН ҰЛТ» ЖОБАЛАРЫ АЯСЫНДА АУҚЫМДЫ ІС-ШАРАЛАР ӨТТІ
Кеңес Нұрпейісов атындағы мектеп-лицейінде «Заң мен тәртіп» және «Кітап оқитын ұлт» жобалары аясында мазмұнды кездесу ұйымдастырылды. Тағылымды басқосуға республикалық басылымдардың өкілдері, ауданның білім беру саласының мамандары, мектеп директорлары, мұғалімдер мен бұқаралық ақпарат құралдарының өкілдері қатысты.
Кездесудің негізгі мақсаты – қоғамда заң үстемдігін нығайту, жас ұрпақтың құқықтық сауаттылығын арттыру, кітап оқуға деген қызығушылығын ояту, ұлттық баспасөз бен рухани құндылықтардың маңызын кеңінен насихаттау.
Арнайы шақырылған қонақтар қатарында «Қазақ газеттері» бас директорының орынбасары Бағашар Тұрсынбайұлы, «Балдырған» журналының бас редакторы Ерғали Бақаш және «Дружные ребята» газетінің бас редакторы Ольга Рыбкина болды. Олар өздерінің кәсіби тәжірибелерімен бөлісіп, баспасөздің қоғам өміріндегі орны, жас ұрпақ тәрбиесіндегі ақпарат құралдарының жауапкершілігі мен кітап оқудың маңызы жөнінде ой Алматы обылыс білім басқармасының Кеген ауданы бойынша білім бөлімі мемлекеттік мекемесінде “Заң және тәртіп” жобасы аясында 2026-2027оқу жылында төмендегі жұмыстар атқарылды
мектептерінің бітіруші түлектеріне арналған «Ашық есік күні» өткізілген. Бұл шара жастардың болашақ мамандық таңдауына бағыт-бағдар беріп, білім алу мүмкіндіктерімен танысуына жол ашты.
Қарқара орта мектебінде «Заң мен тәртіп– тұрақты қоғам негізі» және «Балалардың құқығын қорғауда ата-ананың рөлі маңызды ма?» тақырыптарында пікір алмасу өтті. Бөлексаз орта мектебінде «Заңды білу – заман талабы», Инкәрбек Жұмағұлов атындағы орта мектепте «Заңды білу – қауіпсіз болашақ кепілі» тақырыптарында кездесулер ұйымдастырылды.
Сәдуақас Серкебаев атындағы мектеп-гимназиясында «Заң – қоғам тірегі» тақырыбы қозғалып, оқушыларға құқықтық сауаттылықтың маңызы түсіндірілді. Сейдахмет Босқынбаев атындағы негізгі мектепте «Жасөспірім және заң», «Заң және тәртіп жасөспірім көзімен» тақырыптарында дөңгелек үстелдер мен сурет байқаулары өткізілді.
Сондай-ақ Қанез Байғабылұлы атындағы орта мектепте «Тәртіпті өзіңнен баста» тақырыбында интеллектуалдық ойын, Әужан Ниязбеков атындағы негізгі мектепте «Заңды сақтау – азаматтық борыш» тақырыбында сынып сағаттары ұйымдастырылды.
Айтжан Түркебаев атындағы мектеп-лeцейінде құқықтық мәдениетті қалыптастыруға арналған пікірсайыс өтсе, Ақай Нүсіпбеков атындағы мектеп-гимназиясында «Құқықбұзушылықтың алдын алу» тақырыбында жиын өткізілді. Сонымен қатар Құқық пен міндет, бала қауіпсіздігі және қоғам алдындағы жауапкершілік мәселелері де назардан тыс қалмады.
Бауржан Момышұлы атындағы әскери-спорт колледжінің ұланы Ілияс Ермекпен кездесу, Ұзақ Бағаев атындағы орта мектепте «Заң және тәртіп – қоғам қауіпсіздігінің негізі» тақырыбындағы басқосу да жастардың құқықтық танымын кеңейтуге бағытталды. Қарабұлақ орта мектебінде «Заңға бағыну– азаматтық борыш» тақырыбында кездесу өткізіліп, оған аудандық білім бөлімінің мамандары, аудандық полиция бөлімінің учаскелік полиция инспекторлары, ауылдық учаскелік инспекторлар, мектеп педагогтері, психологтер мен ата-аналар қатысты.
Мұндай шаралардың басты мақсаты – жасөспірімдерге заң талаптарын түсіндірумен қатар, олардың бойында жауапкершілік, тәртіп, өз құқығы мен өзгенің құқығын құрметтеу қасиеттерін қалыптастыру. Ата-аналар мен оқушылардың құқықтық сауаттылығын арттыру мақсатында отбасындағы тәрбие, жасөспірімдер арасындағы буллинг, әлімжеттік, зорлық-зомбылық, кәмелетке толмағандар жасаған құқықбұзушылықтар мен балалар қауіпсіздігі мәселелері де кеңінен қамтылды.
Осы бағытта «Көше», «Жасөспірім», «Түнгі қаладағы балалар» атты рейдтік шаралар ұйымдастырылып, олардың аясында профилактикалық жұмыстар жүргізілген. Кездесудің екінші маңызды бағыты – «Кітап оқитын ұлт» жобасы. Бүгінгі цифрлық технологиялар дәуірінде өскелең ұрпақтың кітапқа деген қызығушылығын арттыру, оқу мәдениетін қалыптастыру және ұлттық әдебиетті кеңінен насихаттау – уақыт талабы.
Кітап – адамзаттың рухани қазынасы, білім мен тәрбиенің қайнар көзі. Кітап оқыған адамның ой-өрісі кеңейіп, сөздік қоры молаяды, дүниетанымы қалыптасады. Әсіресе жас ұрпақтың бойына ұлттық құндылықтарды сіңіріп, адамгершілік қасиеттерін дамытуда көркем әдебиеттің орны ерекше.
Жиында бұқаралық ақпарат құралдарының қоғамдағы орны да ерекше атап өтілді. Ақпарат құралдары қоғам мен билік арасындағы алтын көпір бола отырып, өзекті мәселелерді көтеруге, қоғамдық пікір қалыптастыруға және елдің рухани дамуына үлес қосуға міндетті.
Жанна АҚЫЛЖАН.
