Әлеуметтік осал топ өкілдеріне арналған тұрғын үйлердің құрылыс барысымен танысты

Кеген ауданының әкімі Танат Айдарбеков, аудан прокуроры Алмат Данилов, аудан әкімінің орынбасары Медет Исаев және Кеген ауылдық округінің әкімі Ернат Ысқақ Кеген ауылында әлеуметтік осал топ өкілдеріне арналған тұрғын үйлердің құрылыс барысымен танысты.
Бүгінде аудан көлемінде 379 әлеуметтік осал топ өкілі есепте тұр. Оларды баспанамен қамту мақсатында Кеген ауылында 200-ге жуық тұрғын үйдің құрылысы жүргізілуде. Қазіргі таңда құрылыс жұмыстарының 80 пайызы аяқталған.
Аудан әкімі нысандағы құрылыс сапасы мен жұмыстардың белгіленген мерзімде аяқталуына назар аударып, жауапты мамандарға тиісті тапсырмалар берді.