«КЕГЕНМЯСПРОМ» ЖШС-НІҢ ЖҰМЫСЫМЕН ТАНЫСТЫ

Кеген ауданында өңірдің өндірістік әлеуетін арттырып, мал шаруашылығы өнімдерін өңдеуге бағытталған жобалар кезең-кезеңімен жүзеге асырылуда. Соның бірі – «КегенМясПром» ЖШС-нің ет өңдеу комбинаты.
Аудан әкімі Танат Айдарбеков пен аудан әкімінің орынбасары Мұхтар Батырханұлы кәсіпорынға барып, өндіріс орнындағы жұмыстардың барысымен танысты. Қазіргі таңда комбинат өз жұмысын бастап, өндірістік үдерістерді жолға қоюда.
Жалпы инвестиция көлемі 2,5 млрд теңгені құрайтын кәсіпорын тәулігіне 50 ірі қара, 150 ұсақ мал және 10 жылқы союға мүмкіндік береді. Ал жылдық өндірістік қуаты 2500 тоннадан астам ет өнімін өндіруге есептелген.
Сонымен қатар кәсіпорында шұжық және консерві өнімдерін шығару жоспарлануда. Бұл бастама ауданның мал шаруашылығын дамытуға, ет өнімдерін терең өңдеуге және жергілікті өндірістің әлеуетін арттыруға жаңа мүмкіндік береді.