Жалағаш ауылында сайлауалды кездесу өтті

Жалағаш ауылында сайлауалды кездесу өтті

Кеген ауданының Жалағаш ауылында «Әділет» партиясынан сайлауалды штаб мүшелері мен Құрылтай депутаттығына кандидат Жанарбек Әшімжановтың ауыл тұрғындарымен кездесуі өтті.

Кездесу барысында ауылдың әлеуметтік-экономикалық дамуына қатысты бірқатар өзекті мәселе көтерілді. Тұрғындар жолдың жай-күйі, ауызсу, электр желілері, интернет сапасы, жұмыспен қамту және шаруашылықты дамыту бағыттарындағы мәселелер бойынша ұсыныстарын жеткізді.

Кездесу барысында Жанарбек Әшімжанов партияның ауылдық елді мекендерді дамытуға бағытталған сайлауалды бағдарламасының негізгі басымдықтарына тоқталды. Атап айтқанда, ауылдардың инфрақұрылымын жақсарту, халыққа көрсетілетін мемлекеттік және әлеуметтік қызметтердің қолжетімділігін арттыру, интернет сапасын жақсарту және жолдарды жаңарту мәселелеріне басымдық берілетіні айтылды.

Сонымен қатар ауыл тұрғындарының әл-ауқатын арттыруға бағытталған бастамалар таныстырылды. Оның ішінде «Ауыл аманаты» жобасының мүмкіндіктерін кеңейту арқылы кәсіп бастауға және шаруашылығын дамытуға ниетті азаматтарға жеңілдетілген несие беру тетіктері қарастырылған.

Жүздесу барысында тұрғындар өздерін толғандырған сауалдарын қойып, ұсыныс-пікірлерін білдірді. Кандидат көтерілген мәселелерге жауап беріп, ауылды дамыту бағытындағы жұмыстардың маңыздылығына тоқталды.

Кездесу ашық пікір алмасу форматында өтіп, тұрғындардың ұсыныстары назарға алынды.