Мен Құрылтай сайлауына қызығушылықпен қарап отырмын

Мен Құрылтай сайлауына қызығушылықпен қарап отырмын. Себебі елімізде қабылданатын әрбір маңызды шешім біздің де болашағымызға әсер етеді. Жастардың елдегі өзгерістерден хабардар болып, өз пікірін білдіруі маңызды деп ойлаймын.

Мен үшін ең өзекті мәселелердің бірі – жастарға мүмкіндік жасау. Әр жас сапалы білім алып, қалаған мамандығын меңгеріп, тұрақты жұмысқа орналасып, өз кәсібін бастауға мүмкіндік алса деймін. Әсіресе ауыл жастарына қолдау көрсетіліп, туған жерінде еңбек етуіне жағдай жасалса, бұл ауылдардың дамуына да үлкен әсер етеді.

Құрылтайдан халықтың ұсыныстары мен мәселелеріне нақты көңіл бөлінеді деп күтемін. Елдің болашағы тек үлкендердің емес, жастардың да қолында. Сондықтан біз де қоғамға белсенді араласып, өзімізге артылған жауапкершілікті түсінуіміз керек. Еліміздің тұрақты дамуына әрқайсымыз өз үлесімізді қоса аламыз деп сенемін.

Гүлшат Нұрбекқызы