Құрылтай сайлауы – ел өміріндегі маңызды мәселелердің бірі

Құрылтай сайлауы – ел өміріндегі маңызды мәселелердің бірі. Қазір жастардың қоғамға деген көзқарасы өзгеріп, өз пікірін ашық білдіруге деген қызығушылығы артып келеді. Сондықтан біз де елімізде болып жатқан осындай маңызды шараларға белсенді қатысуымыз керек.

Жастар үшін ең бастысы – білім алып, мамандық бойынша жұмыс істеу және өз қабілетін дамытуға мүмкіндік болуы. Әсіресе ауыл жастарына жағдай жасап, олардың туған жерінде жұмыс істеп, кәсіппен айналысуына қолдау көрсетілсе жақсы болар еді. Осындай мәселелердің Құрылтайда көтеріліп, нақты шешімін тапқаны біз үшін маңызды.

Елдің болашағы туралы сөз болғанда, оны тек мемлекеттен күтпей, өзіміз де үлес қосуымыз қажет деп ойлаймын. Әр жас білім алып, еңбек етіп, қоғамға пайдалы болуға ұмтылса, бұл да ел дамуына қосылған үлес. Сондықтан Құрылтай сайлауына жауапкершілікпен қарап, өз азаматтық таңдауымызды жасауымыз керек деп есептеймін.

Ескендір Ләззат