Мен Құрылтай сайлауын еліміздің болашағына қатысты маңызды үдеріс деп қабылдаймын
Мен Құрылтай сайлауын еліміздің болашағына қатысты маңызды үдеріс деп қабылдаймын. Қазіргі жастардың ел өміріне белсенді араласуы өте маңызды. Себебі бүгінгі жастардың пікірі мен бастамалары ертеңгі қоғамның дамуына әсер етеді.
Менің ойымша, Құрылтайда халықтың күнделікті өміріне қатысты мәселелермен қатар, жастарға байланысты мәселелер де назарда болуы керек. Жастардың сапалы білім алып, мамандық игеруі, тұрақты жұмыс табуы, өз кәсібін ашуы және ауылдық жерлерде өз мүмкіндіктерін жүзеге асыруы үшін жағдай жасалғаны маңызды.
Еліміздің болашағы жастардың қолында деген сөзді жиі айтамыз. Бірақ бұл сөздің артында үлкен жауапкершілік бар. Сондықтан біз де қоғамға өз үлесімізді қосып, елдегі маңызды мәселелерге бейжай қарамауымыз керек. Құрылтай сайлауы елдің дамуына жаңа мүмкіндіктер ашып, халықтың ұсыныстарының жүзеге асуына ықпал етеді деп сенемін.
Дәмен Айғаным
