Мәдениет үйінің қызметкерлерімен арнайы кездесу ұйымдастырылды

Арнайы желілік кестеге сәйкес 2026 жылғы конституциялық референдумға байланысты мәдениет үйінің қызметкерлерімен арнайы кездесу ұйымдастырылды. Іс-шараның негізгі мақсаты – Қазақстан Республикасында өткізілетін конституциялық референдумның маңыздылығын түсіндіру, ұсынылып отырған өзгерістердің мәні мен мазмұнын жеткізу, сондай-ақ мәдениет саласы қызметкерлерінің азаматтық белсенділігін арттыру.

Кездесу барысында Қазақстан Республикасының Конституциясына енгізілетін өзгерістер мен толықтырулардың бағыттары кеңінен түсіндірілді.

Іс-шара ашық пікір алмасу форматында өтті. Мәдениет саласының қызметкерлері алдағы саяси науқанға жауапкершілікпен қарап, белсенді азаматтық ұстаным таныту қажеттігін атап өтті.