Сыбанбаев Әріп

Конституциялық реформа жөніндегі комиссияның кезекті отырысында айтылған ұсыныстарды ауылдың үлкені, елдің өткені мен бүгінін көрген қария ретінде терең ой елегінен өткіздім. Конституция – мемлекеттің негізі ғана емес, ол халықтың бірлігі мен елдің болашағына деген сенімінің тірегі. Сондықтан оған енгізілетін әрбір өзгеріс ұрпақтың тағдырына әсер ететін маңызды шешім екені анық.

Комиссия отырысында айтылған ойлар ел ішіндегі тұрақтылықты сақтау, әділеттілік пен бірлікті нығайту мақсатында көтерілгенін байқадық. Қариялар үшін ең басты құндылық – елдің тыныштығы, халықтың ынтымағы және заңның үстемдігі. Осы тұрғыда ұсынылған конституциялық реформалар қоғамдағы тепе-теңдікті сақтауға, билік пен халық арасындағы сенімді арттыруға бағытталған деп санаймын.

Ауылдың жағдайын ауылда тұратын халық жақсы біледі. Сондықтан ауыл мәселесін сол жерде шешуге мүмкіндік беру – өте орынды қадам. Бұл ауылдың әлеуметтік және экономикалық дамуына оң әсер етеді.

Мемлекет өз азаматтарына қамқор болғанда ғана елдің болашағы берік болады. Конституциялық деңгейде бұл қағидалардың бекітілуі – халыққа жасалған үлкен сенім.

Сыбанбаев Әріп