КР Президентінің кеңесшісі Мәлік Отарбаев Алматы облысына жасаған жұмыс сапары барысында Кеген ауданына барып, жергілікті тұрғындармен кездесу өткізді.
КР Президентінің кеңесшісі Мәлік Отарбаев Алматы облысына жасаған жұмыс сапары барысында Кеген ауданына барып, жергілікті тұрғындармен кездесу өткізді.
Кездесуде Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауын өңірде іске асыру мәселелері талқыланды.
Кездесуді облыс әкімінің орынбасары Ғани Майлыбаев ашып, өңірдің әлеуметтік-экономикалық өсімін қамтамасыз ету, инфрақұрылымды жаңарту және кәсіпкерлікті дамыту бойынша қолға алынған шараларға тоқталды.
Сонымен қатар, аудан әкімі Нұрбақыт Теңізбаев Жолдау аясында аудан бойынша жүзеге асырылып жатқан тапсырмалар, тартылған инвестициялар мен туристік және агроөнеркәсіптік жобалар туралы баяндама жасады.
Мәлік Отарбаев өз сөзінде Президент Жолдауында көрсетілген цифрландыру, экономикалық даму, инновациялар, білім беру, денсаулық сақтау, әлеуметтік саясат және құқықтық тәртіпті нығайту бағыттарының маңызын атап өтті.
Сондай-ақ, «Заң мен тәртіп», «Таза Қазақстан» және «Адал азамат» бағдарламаларын іске асырудың тұрақты әрі әділ қоғам қалыптастырудағы рөлін ерекше атап өтті.
Президент кеңесшісі цифрландыру мен жасанды интеллект технологияларын енгізу елдің бәсекеге қабілеттілігін арттыруға, экономикалық өсуді қамтамасыз етуге, басқару тиімділігін, қауіпсіздікті және азаматтардың өмір сапасын жақсартуға ықпал ететінін жеткізді.
