Алатау қаласының ХҚКО-ында электронды кезекті алдын ала брондау жүйесі енгізілді
Алатау қаласының ХҚКО-ында электронды кезекті алдын ала брондау жүйесі енгізілді
Азаматтарға көрсетілетін қызмет сапасын арттыру мақсатында 2025 жылдың 5 – қарашасынан бастап Алматы облысы, Алатау қаласының Халыққа қызмет көрсету орталығында (ХҚКО) электронды кезекті алдын ала брондау жүйесінің пилоттық жобасы іске қосылады.
Енді Алатау қаласының тұрғындары ХҚКО-на бармас бұрын өздеріне ыңғайлы уақытты таңдап, онлайн түрде кезек талондарын алдын ала брондай алады.
Бұл жаңашылдық қызмет көрсету процесін барынша жылдам, әрі тиімді етуге бағытталған.
Кезек талондарын брондау тәсілдері:
– “ХҚКО” мобильді қосымшасы арқылы;
– Электронды үкімет порталы арқылы;
Брондау расталғаны туралы хабарлама 1414 нөмірінен SMS түрінде жіберіледі.
Ал, дайын құжаттарды беру және өзіне – өзі қызмет көрсету секторындағы қызметтер бұрынғыдай алдын ала жазылусыз көрсетіледі.
Бұл пилоттық жоба халыққа қызмет көрсетудің тиімділігін арттыруды, азаматтарға қолайлы жағдай жасауды және қызмет алуды барынша қолжетімді етуді көздейді.
