Шетелдік жанжалдарға қатысу – қылмыстық жауапкершілікке әкеледі

Кеген аудан прокуратурасы Қазақстан Республикасының азаматтарына заң талаптарын қатаң сақтауды және жауапкершілікті әрдайым есте ұстауды ескертеді.
Соңғы жылдары шетелдік жанжалдарға қатысуға арбау, арандату жағдайлары кездесіп отырғаны жасырын емес. Мұндай әрекеттер – елдің тұтастығына, ұлттық қауіпсіздігіне, қоғамның бейбіт өміріне тікелей қатер төндіреді. Қазақстан Республикасының Қылмыстық кодексінде бұл мәселеге байланысты нақты баптар қарастырылған: Қылмыстық кодекстің 170, 172-баптары. Бұл баптар бойынша кінәлі деп танылған азаматтар қатаң қылмыстық жауапкершілікке тартылып, бас бостандығынан айыруға дейінгі жазаға кесіліп, өміріне ауыр салдар әкелуі мүмкін.
Шетелдік жанжалдарға қатысуға итермелейтін жалған уәделер мен түрлі ұйымдардың арандатушылық әрекеттері – азаматтарды алдаудың айқын мысалы. Оған ергендер өз болашағын қатерге тігіп, отбасы мен туған-туыстарының тағдырына да қаяу түсіреді.
Қылмыстық соттылық азаматтың әлеуметтік беделін түсіріп, қоғамға қайта бейімделуін қиындатады.
Осыған байланысты аудан прокуратурасы әрбір қазақстандықты қырағы болуға, күмәнді ұсыныстарға берілмеуге және заңды қатаң сақтауға шақырады. Әрбір азаматтың басты парызы – елдің тыныштығын, тұрақтылығын, бейбіт өмірін қорғау. Заңға бағыну – болашағымыздың кепілі, бейбіт өміріміздің тірегі.

Кеген ауданы прокуратурасы.