Жеңіске жеткен қос ару

Мамырдың 7-12 аралығында Алматы қаласында бокстан 2000 жылы Сиднейде өткен Олимпиада ойындарының чемпионы Ермахан Ибрайымов Сағиұлының жүлдесі үшін бокстан (2001-2002 ж)жастар мен жасөспірім қыздар арасында ІІІ Халықаралық турнир өтті. Аталған турнирде ауданымыздан шыққан батыл қыздарымыз екі алтын медальға ие болды. 46 келі салмақта Қасымақын Әмина Серікқызы, 54 келі салмақта Сақыш Анель Советжанқызы бокстан чемпион атанды. Сақыш Анель Советжанқызы 2002 жылы Жалаңаш ауылында дүниеге келсе, Алматы қаласындағы Шаңырақ ықшам ауданындағы (Олимпиада резервінің республикалық мамандандарылған мектеп-интернат колледжінде) 11 сыныпты аяқтады.
Ал Қасымақын Әмина Секрікқызы 2004 жылы Қарқара ауылында дүниеге келген. Талдықорған қаласындағы (Олимпиадалық резервтік маманданадырылған мектеп-интернат колледжінде) 9 сыныпта оқиды. Жерлестеріміздң жеткен жетістіктерін мақтан тұтамыз. Өмірдің өткелдерінен сүрінбей, қырандай көгімізде қалықтап, алыстарды көздеп, биіктерді бағындыра берулеріне тілектеспіз!