Қазақ күресі ұлттық деңгейде

Таң сәріден спорт сүйер қауым Кеген ауылында орналасқан спорт сауықтыру кешеніне ағылып жатты. Спорт десе ішкен асын жерге
қоятындар үлкендері немерелерінің осы жарыста жекпе – жекте бір нәтиже шығарады деген үміт еді. Жарыстың өтетінін білмейтіндер біріне – бірі қандай жарыс болып жатыр деген сұрақтарына жауап іздеп жүргендері, барсаң көресің деп ертіп алғаны да жоқ емес. Қанында сергектік бар бала спортқа бейімдеу келетіні о, бастан-ақ түсінікті. Бала кезінде еркін күреске қатысып боз кілемде талай құрбысы мен күш сынасып көргені бар жетпіске аяқ басқан Нұрмен Әбдуәлиде болатын жарысқа асығып барады. Жарыс Кегеннің тумасы жастайынан спортты серік еткен, кейіннен спорт шебері атанып, ел намысын қорғай білген жаттықтырушы, ұлағатты ұстаз, оқытушы Мақсат Айтпанбетұлы боз кілемде ел намысын қорғап жетістігі мен намыс көгіне көтерілген шағында о, дүниелік болып атанып кете барды. Артында туған туысы, ата анасы және отбасы жанарларын жасқа малып қала берді. Бүгінгі жарыс ұлағатты ұстаз, спорт шебері, оқытушы Рысов Мақсат Айтпанбетұлын еске алуға арналған Қазақ күресінен 2011 – 2012 жылы дүниеге келген жасөспірімдер арасында Алматы облысының ашық біріншілігі аясында жарыс өтті.
Жарыс көрігін қыздыруға Балқаш, Еңбекші, Жамбыл, Қарасай, Талғар, Іле, Райымбек, Ұйғыр, Кеген аудандары мен Қонаев, Алатау
қаласынан дзюдодань іріктелген жасөспірімдер қатысып күштерін сынға салды. Турнирдің ашылу салтанатына Грек – рим
күресінен Бежин олимпиадасының күміс жүлдегері, Кеген ауданының әкімі Нұрбақыт Молдахметұлы Теңізбаев сөз алып
жасөспірім спортшыларды елімізде спорт саласын және Қазақ күресін дамыту арқылы салауатты өмір салтын қалтастыру, жастарды ұлттық спорт түрімен шұғылдануға шақырған ізгі тілегі мен ағалық ақылын жеткізіп, жарыстың сәтті өтуіне ізгі ниетін білдірді. Мақсаттың анасы жасөспірім споршыларға аналық ақ батасын берді. Жеңіс тұғырынан көрінген жеңімпаздарға алтын, күміс, қола медалдар мен қаржылай және дипломдар табысталды. Бұл турнир Қазақ күресін ұлттық деңгейіне жеткізіп, халықаралық аренадағы беделін көтеру болып табылады. Спорт денсаулық кепілі екенін түсінген жасөспірім спортшылар ауылдарына қанаттанып қайтты.

Нұрболат ТАСТАНҚҰЛОВ,
ҚАРҚАРА.