Жақсы қасиет –жанға азық

Айлары асығыс, күндері қауырт өтіп жатқан қоғамның мейірім мен қайырымға, аялы алақанға мұқтаж екені жиі байқалады. Тағдыр жазуымен егде жаста жалғыз өмір сүруге мәжбүр қарттар мен дерттері жас талғамайтын мүмкіндігі шектеулі жандар үшін де ыңғайлы, біртұтас ағзадай жүйелі жағдай жасау – біздің қоғам алдында тұрған маңызды міндет.
Әлеуметтік қызметкер – қоғамның әртүрлі топтарына көрсететін маман екені айдан анық. Олар қиын жағдайға тап болған адамдарға қолдау көрсетіп, қоғамда теңдік пен әділеттілікті сақтау үшін жұмыс істейді. Әлеуметтік қызметкердің басты мақсаты- адамдардың өмір сүру сапасын жақсарту, олардың құқықтары мен мүдделерін қорғау және әлеуметтік қолдау жүйелерін тиімді қолдануға көмектесу болып табылады.
Бүгінгі қоғамда мүмкіндігі шектеулі, әлеуметтік аз қамтылған жайттар көптеп кездеседі. Оларды кемсітпей, үнемі қолдау көрсетіп, алақанның жылылығын сездіріп отыру қоғамға сын. Сондықтан да үлкен-кіші демей қамқорлыққа зәру жандарға түсіністікпен қарап, құрметтеу, сыйлау ол имандылықты талап етеді. Жақсы қасиет – жан азығы. Осы бір қағида жанымызға жалау болып, жылылық жанымызға шуақ сепсе, мейірімділік, адамгершілік жол табары сөзсіз. Үнемі айналамызға зер сала отырып, жақсылыққа ұмытылайық, қоғамдағы кез-келген түйіткілді мәселелерді жадымызға тоқи отырып, қолымыздан келгенше қол ұшымызды созып, жақсылыққа жұмылдырайық!

Г.Молдабаева,
Қарқара ауылдық округінің
әлеуметтік қызметкері.