Аудан әкімі 104 жастағы Күлпара әжейді мерекесімен құттықтады

Бүгін аудан әкімі Нұрбақыт Теңізбаев және Кеген аудандық сотының төрайымы Рамазанова Салтанат және аудандық Ақсақалдар кеңесінің төрағасы Сабыр Досымбеков Ұзынбұлақтық ғасыр жасаған кейуана Шортанова Күлпара Жуашқызының шаңырағына барып, Қарттар күнімен құттықтады.
Аудан әкімі Нұрбақыт Молдахметұлы қарт әжейдің хал-жағдайын сұрап, арнайы сыйлығын тарту етті.
— Сіздер кейінгі ұрпақты ізгілік пен мейірбандылыққа, Отанымызға адал қызмет етуге үйретіп келдіңіздер. Мемлекет еш уақытта сіздерді қамқорсыз қалдырмайды, біз қарияларымыздың алдында қарыздармыз, – деді аудан әкімі.
Жалғасы 5 – бетте.
Сонымен қатар Кеген аудандық сотының төрайымы Салтанат Қожахметқызы, аудандық Ақсақалдар кеңесінің төрағасы Сабыр ақсақал ақжарма тілегін айтып, қарт әжені айтулы мерекесімен құттықтады.
Шортанова Күлпара он екі баланы өмірге әкелген ардақты ана, 1965 жылы “Батыр ана” атағы, 1958 жылы “Ана даңқы” орденімен бірнеше медалдармен марапатталған. Өмірінде балаларын тәрбиелеу мен бірге жастарды да тәрбиелеуге белсене араласып келеді.
Бүгінгі таңда алтын құрсақты әжеміз 39 немере, 73 шөбере, 7 шөпшек сүйіп отыр.
Осы ұл-қыздарынан тараған ұрпақтар еліміздің әр саласында қызмет етуде: 10 – ұстаздық жолында, 7-мемлекеттік қызметте, 4-экономика саласында, 4-дәрігер, 2-инженер, 4-архитектор, 5-жеке кәсіпкер, 1-журналист, 1-ғылым кандидаты, енді бірі қорғаныс саласында қызмет жасауда.
Кеген ауданының баспасөз хатшысы Жақсылық Нүсіпханұлы.

Жақсылық Нүсіпханұлы.
Кеген ауданының баспасөз хатшысы.