«Көлсай кәсіптік-техникалық колледжінің» ұстаздары АЭС құрылысына қолдау білдірді
«Көлсай кәсіптік-техникалық колледжінің» ұстаздары АЭС құрылысына қолдау білдірді
Кеген ауданына қарасты Жалағаш ауылында орналасқан «Көлсай кәсіптік-техникалық колледжінің» ұжымы АЭС салу мәселесін талқылау мақсатында Халықтық штаб мүшелерімен кездесті. Оған Қазақстан Республикасы Парламенті Мәжілісінің депутаттары Жанарбек Әшімжанов пен Максим Рожин қатысты.
Штаб өкілдері атом электр станциясының көміртегі шығарындыларын азайтуға, жаңа жұмыс орындарын құруға және аймақтық инфрақұрылымды дамытуға қалай ықпал ететінін атап өтті.
🔸Жанарбек Әшімжанов АЭС-тің арқасында ең алдымен, тасымалданатын жарықтан құтылып одан кейін экологияға зияны жоқ жасыл аймаққа айналатынымызды атап өтті.
💬 «АЭС – экологиялық таза әрі тұрақты энергия көзі. Бұл еліміздің энергетикалық болашағы үшін маңызды шешім», – деді ол.
🔹Максим Рожин де АЭС-тің ел экономикасына тигізер оң әсеріне тоқталды. Оның айтуынша, атом электр станцияларының артықшылықтары, экономикалық тиімділігі және елдің энергетикалық қауіпсіздігіне қосатын үлесі зор.
Кездесуге қатысқан колледж ұжымы да өз пікірлерін айтып, АЭС жобасын қолдайтындарын жеткізді.
