Әбілғазы алған биік
Жақында, Астана қаласында еркін күрес және, грек-рим күрестерінен Ардагерлер арасында Қазақстан чемпионаты Үшкемпіров Жақсылық атындағы спорт сарайында өтті.
Еліміздің түкпір-түкпірінен жиналған жолбарыс жүректі, сом білекті, нар белді, атан жілік ардагерлер елуді еңсеріп, алпысты алқымдағандарына қарамастан, үш күн бойы боз кілем үстінде ақ тер, көк тер болып алпарысқандарына Астана жұртшылығы куә болып отырды.
Осындай арқалы азаматтардың бел ортасында, алыптардың арасында, 100 келе салмақ дәрежесі бойынша еркін, және грек-рим күресінен бабы мен бағын сынап Кеген ауданы, Тасашы ауылының тумасы, өзіміздің Әшімбаев Әбілғазы Садықжанұлыда жүрді.
Ол сонау, бала кезінен-ақ спортпен айналысып, доп қуалап футбол ойнап, жаяу жарысып,турник-ке тартылып, зіл темірлерді көтеріп, ауылдың атын шығарып, аудан орталығындағы бапкер ағалары Желдікбаев Тәліммен, Кебекбаев Боранбай ағаларынан еркін күреспен,грек-рим күресінің әдіс-айлаларын үйреніп, аудан, облыс көлеміндегі жарыстарға қатысып,
жүлделі орындар алып жүрді.
Одан бергі арада отыз жылдан аса уақыт өтіп кетіпті.
Ол қазіргі уақытта Байсерке ауылындағы, кезінде спорт министрі болған Досмұхамбетов Темірхан Мыңайдар ұлының ТОО, Байсерке Агросында жұмыс істейді.
Бәлкім Темірхан ағасы күшіңді бір сынап, өнеріңді көрсет дедіме екен.Қазақстан чемпионатына бірақ шықты.
Қарсыластарының оңай шағыла қойлатын «жаңғақ»емес екендерін біледі.Шеттерінен «сен тұр, мен атайын» деген құрыш білекті, кезінде Қазақстанды «шулатып»жүрген спорт шеберлеріде бар араларында.
Таудай денелі тау баласы олардан тартынған жоқ.Ықпадыда.
Жүрек пен білек, аяқ пен қол қосылып, алпарысқандарын шеттерінен алып ұрып, финалдық айқаста бір қателік жіберіп, күміс жүлдені жеңіп алды.
Отыз жылдан кейін бірінші рет боз кілемге шыққан Әбілғазыға бұл үлкен жетістік деуге болады.
Әбілғазының алған биігіне
ауылдағы біз бөркімізді аспанға атып Қуандық. Ауылдастың аты озды деген осы болар.
Қазан айының соңына таман Ақтөбе қаласында Қ.Р еңбек сіңірген бапкер, жаттықтырушы, Халықаралық дәрежедегі төреші, Хайыржан Жанпейісовты еске алуға арналған Республикалық турнирге дайындалып жүрген Әбілғазы бауырымызға сәт сапар тілеп, биіктен көрінуіне Ақжарма тілегімізді арнайық ағайындар!
Шеризат
Сәрсенбайұлы.
