Еңбегімен еленген ел анасы
Ықынова Күләш 1950 жылы желтоқсанның 28-де Алматы облысы Кеген ауданында дүние келген. Жылысай ауылында орта білімді тәмамдап. 1970 жылы тұрмысқа шығып, отбасылы болды. Қазіргі таңда Кеген ауданы Бөлексаз ауылында 5 ұл, 2 қыз тәрбиелеп, ұл-қыздарға сапалы білім беріп, әрқайсысы өз алдына отбасылы және әр салада мамандық иесі болып отыр.
Сонымен қатар үлкен еңбекпен, өмірдің қайнаған ортасында қызмет жасап, сол қызметтердің арқасында төмендегідей марапаттарға ие болды.
1. 1972 жылдан Бөлексаз селолық мал бордақылау совхозында еңбек жолын бастады.
2. 1978 жылдан звенавой жетекшісі болып жұмыс атқарды. Осы жылдары 40 гектар картоптан мол өнім алып отырды.
З. 1988 жылы осы еңбектерді бағалай отырып партияға қабылданды.
4. 1987 жылдың қорытындысы бойынша құрмет лентасы мен дипломын алып және де Ленинград қаласына 10 күндік демалу жолдамасын алды.
5. 1987-1991 жылдары аудандық советке депутат болып сайланды
6. 1991-1995 жылдары екі рет облыстық советке депутат болып сайланды
7. 1990 жылы ХХХХІ аудандық партия конференциясына делегат болып сайланды №46 мандат.
8. Ұлы октябрь революциясының 66 жылдық мерекесі қарсаңында еңбекте үздік шыққаны үшін құрмет граммотасын алды.
Жолдасым Баяманов Өмірбек Баяманұлы совхозда механизатор болып жұмыс iстеді.
Қазіргі таңда еңбектік демалыста. Ұл-қыздарынан 15 немере көріп, алтын алқа иеленді.
Күләш анамыз «Бақыт дегеніміз – адамдарға пайдаңды тигізу» деген қағиданы ұстанып, өзінің қарапайымдылығымен ерекшеленіп, адамдарға үнемі қол ұшын созып, көмек көрсетуден жалыққан емес. Өз ісінің маманы ашық- жарқын, бастаған ісін аяқсыз қалдырмайтын, жауапкершілігі мол, адамдармен тез тіл табыса білетін, еңбекқор жан болды. Қоғамдық жұмыстарға араласып, халықтың әлеуметтік мәселелерін көтеріп, оның оңды шешімін шығарғанша тыным таппай атсалысып, халықтың алғысына бөленген жан.
Еліне елеулі еңбек етіп, бақытын еңбектен тапқан нәзік жан Ықынова Күләш еңбегі еш елеусіз қалған емес. Көп жылдар ішінде түрлі марапаттарға ие болды. Атап айтқанда «Құрмет грамотасы», басшылар тарапынан түрлі алғыс хаттарға, дипломдар мен мадақтама қағаздарымен марапатталған. Осындай анамыздың біздің ауылымызда тұрғанына мақтанамыз!
Гүлнар Акимжанова,
Бөлексаз ауылының аналар
кеңесінің төрайымы.
