Қартын сыйлаған ел азбайды

47

«Қарта бар елдің – қазынасы бар»,-дейді қазақ халқымыз. Ел бірлігін сақтап, ынтымағын ұйытып отырған қартарымыз еліміздің байлығы. Сонау ықылым заманнан қартын сыйлаған хылқпыз. Үлкенді үлгі тұтып, кішіге ізет көрсетекен қазақы қағидатты жанына жалау еткен халықпыз. Қоғамда қартын қадірлеген елдің өркені өсіп, келешегі кемелді болары айқын. Мемлекет тарапынан да қарттарымызға қолдау көрсетіліп жатқандығы айқын.  Ел іргесінің сөгілмеуі де көнекөз қарттарымыздың ақ батасы мен ақ жаулығының қасиетінде екеніне дау жоқ. Қара қылды қақ жарып әділін айтып, бата беріп отырған қарттарымыздың даналығының  көрінісінде елімізді жалауы жығылмай бірлікті бекем ұстап, елдікті ту етуіп келеді.

Осы тұрғында аудан әкімінің қолдауымен аудандық ардагерлер ұйымы кеңесінің мүшелері 7 ақсал 22 сәуір мен 29 сәуір аралығында «Жаркент-Арасан» шипажайында аудандық ақсақалдар алқасының төрағасы Сабыр Досымбеков бастап барып ем қабылдап, дем алып қайтты. Осындай игі іске мұрындық болған аудан әкімі Н.Теңізбаевқа барша ардагерлер атынан  Сабыр ақсақал алғысын білдіре отырып, алдағы уақытта да қарттарымызға осындай жағдайлар жасалынып, қолдау көрсетіліп отырса нұр үстіне нұр болатынын, қарттарымыздың денсаулығына да жақсы ықпалы тиетінін  тілге тиек етті.

Ауданымызда 4000 ға тарта ардагер бар. Ел қазыналары бірлікті бекем ұстап, елдігімізді ұлықтап келеді. Аға буынның ардан аттамаған ақ жолы бүгінгідей бейбіт таңының атуына себепші. Елім, жерім деген жүректері қазақы қаны мен тулаған жанының көрінісі. Ұрпағы үшін жақсылыққа жұмылдырылған ақ пейілдері елдігіміздің асқақ шыңымен пара-пар. Шипажайда демалыс барысында қарттарымыз тарихы әріде жатқан 1889 жылы іргесі қаланған Жаркент мешітіне барып, мешіттің тарихымен танысып қайтты. Жаркент мешітінің бағанасына бір шеге қағылмай қиып, қашап қиюластырып салынған. Демалыс кезінде Панфилов ауданының көрікті жерлеріне саяхат жасап, көңіл көкжиегі жақсылыққа көмкеріліп қайтқан қарттарымыздың алғысы шексіз.

Қарттарымызға құрмет көрсету – ел мәдениеттілігінің көрінісі. Ұлттығымызды ұлықтап, елдігімізді дәріптеп, ел бірілігін сақтауда ақсақалдарымыздың даналығы мен ақ батасының күшін орасан зор екенінде дау жоқ. Әділдікті ту етіп, жандары жақсылыққа көмкерілген  қарттарымыз аман-сау болсын!

Лаура Қарасартова,

«Qarqara».