Мен өмірді жырлау үшін келгенмін!

60

Хантәңірінің Мұзбалағы атанған Мұқағали Мақтаевтың туғанына биыл 93 жыл толып отыр. Қарасаздың тумасы, әлемді оттыр жарларымен әлдилеген ақиық ақынның туған күні қарсаңында  аудандық «Балбөбек» бөбекжай балалар бақшасының тәрбиешілері арасында музыка жетекшісі Л.Сулееваның ұйымдастыруымен «Мен өмірді жырлау үшін келгенмін!» атты интеллектуалды-танымдық жарыс өтті.  Жарыстың мақсаты – ақынның өмірдастаны мен шығармашылығына шолу жасау, ақынның поэзиясын дәріптеу мен жырларының жаңашалдығына, жаңа қырынан белең алуын үндеу.

Тәрбиешілер арасында өткен танымдық жарыс «Өзге емес өзім айтам өз жайымды» айдарымен таныстыру кезеңі, «Жыр бәйгеге аттанға адам болса», айдарымен Мұқағали өлеңдерін мәнерлеп оқу, «Егерде айта алмасам айтарымды» ақынның шығармашылығы мен өмір белесіне қатысты ұяшықтарға орналастырылған сұрақтарға жауап беру, «Бір ән бар бүгінгі ұрпақ естімеген» айдары бойынша ақынның өлеңдері желісінде театрландырылған көрініс көрсету көзелген.

Ғасыр ақыны, сыршыл ақын Мұқаңның дара тұлғасы мен өміршең жырлары әлемнің бірнеше тілдеріне аударылып, қазақ даласын көмкерген саф алтындай отты жарлар әлем елдерінің жүрегінен орын алуда. Ақынның сөз саптауы мен жыр жолдарының тілге жеңіл келетіндігін негізге алсақ бүгінгі күнде кішкентай баладан еңкейген қартқа дейін ақынның өлеңдерімен сусындап келеді. Бүгінгі шарада көрініс тапқан балабақша тәрбиешілерінің ақынның жырларына деген ерекше ілтипатын аңғардық. Өз бойларына ақын жырларының ерекшелігімен өміршеңдігін сіңірген мамандардың алдында өсіп келе жатқан жас жеткіншектерге бойындағы барын дарыта білетініне сендік. Көрініс барысында шынайылыққа бой алдырып, көрерменді иландыра білді. Ақынның жырларында орын алған беймәлім бейнені толқынды көрініс барысында айна қатесіз бейнелеп, жүректерге жол тапты. Бала біткеннің тілі мен үніне құлақ түрген мамандардың әр әрекеті ақынның өлеңдерінен құралған поэиялық кешпен үндесіп жатты. Ақынның сөзіне жазылған әндер шырқалып, сахналық қойылым көрініс тауып, ақынның саз әлемімен үндескен шара жырға бөкті.

Жарыс барысында жан-жақты танылып, жоғарғы балл жинаған «Арулар тобы» бас жүлдені жеңіп алса, «Ақиық тобы» бірінші орынға табан тіреді. Еінші орыннан көрінген «Хантәңірі тобы» болса, үшінші орынға «Мұзбалақ тобы» лайықты деп танылды.

Ақиық ақын Мұқағали Мақтаевтың  ғасыр ақыны,  қай ғасырдың болмасы құрдасы болып жас болсын кәрі болсын жырлармен елітіп, поэзия әлеміне еріксіз қанат қатырады. Тау ұлының тау секілді аласармас жырлары қазақ елінің асыл жанры саналған өлең өлкесінде қанат қағып, мәңгілікке қалықтай бермек.

Л.Мұхаметқали.