Алматы облысы-2021: «Мың бала» білім сайысында 201 оқушы жеңіпмаз атанды

1225

Білім бәскесінде балғындардың бәсі жоғары болуы үшін, Нұрсұлтан Назарбаев Қоры мен Елбасы Академиясы түрлі зияткерлік додаларды жүзеге асырады. Соның ішіндегі ірі жобалардың бірі – «Мың бала» Ұлттық олипиадасы.
Олимпиада 2020 жылдан бері өткізілдеі. Өткен жылы бірінші турға ауылды жерлердегі 5-6 сынып оқушыларыннан 29 342 бала қатысқан. Нәтиже бойынша 1050 оқушы іріктеліп, 201-і жеңімпаз атанған болатын. Ал 2020 жылы 1000 баланың 196-ы білі сайысында топ жарды.
«Мың бала» олимпиадасының 2020-2021 жылдағы жеңімпаздарының портфолиосы жинақталды, сонымен қатар 59 дарынды бала (2020-40;2021-19) ҚР БҒМ 12.10.2018ж. №564 бұйрығы негізінде мамандандырылған білім беру мекемелерінде білім алуда»,- дейді облыстық білім басқармасы басшысының орынбасары Айжан Маманқызы.
Жалпы олимпиадаға Қазақстан Республикасының ауыл мектептерінде соңғы екі оқу жылында білім алып жатқан 5 және 6-сынып оқушылары қатысады.
Олимпиада екі кезеңнен тұрады. Бірінші кезеңде, логикалық және кеңістіктік ойлауды бағалауды қамтиды. Республика бойынша ең жоғары қорытынды балл жинаған бес мың оқушы олимпиаданың екінші кезеңіне өтеді. Өткен жылдың жеңімпаздары да Олимпиадаға қатыса алады, оларға тестілеудің II кезеңінен бастап қатысу құқығы берілді.
Олимпиаданың екінші кезеңі облыстық тестілеу орталықтары базасында офлайн өткізіледі. Бұл кезеңде қатысушылар, «Математикалық сауаттылық», қазақ тілінде оқитын оқушылар үшін «Қазақ тілі», орыс тілінде оқитын оқушылар үшін «Орыс тілі», «Ағылшын тілі», «Жаратылыстану» пәндері бойынша академиялық білімдерін бағалау үшін компьютерлік тестілеуден өтеді.
Олимпиаданың ІІ кезеңінің қатысушыларына «Математикалық сауаттылық» бөлімі бойынша ең төменгі шекті балл жинау қажет, бұл мүмкін болатын ең жоғары баллдың 30% – ын құрайды. Олимпиаданың ІІ кезеңінің ең жоғары қорытынды балы бар оқушылар жеңімпаз атанады.
Айта кетейік, Тестілеу Олимпиадаға қатысушының таңдауы бойынша мемлекеттік немесе орыс тілінде өткізіледі. І кезеңнің кешенді тестілеуі үшін ең жоғары мүмкін балл 500 баллды құрайды. ІІ кезеңдегі компьютерлік тестілеу үшін мүмкін болатын ең жоғары балл 1000 баллды құрайды.