Алматы облысының 1 миллионнан астам тұрғыны вакцина алды

3170

Алматы облысында халықты коронавирустық инфекцияға қарсы вакцинациялау жалғасуда. Өңір тұрғындары үшін 318 медициналық, 76 мобильді және 17 жылжымалы вакцинация пункттері жұмыс істейді.
Бүгінгі күні вакцинаның бірінші компонентін 1 001 089 адам алды, бұл тиісті контингенттің 83,4% – ын құрайды, екінші компонентті – 901 228 азамат немесе иммундауға жататын ересек халықтың 75,1% – ы алды.
Айта кету керек, Ақсу, Балқаш, Қарасай аудандары мен Қапшағай, Текелі қалаларының тұрғындары COVID-19-ға қарсы 100% егілді.
Бұдан басқа, 106 807 адам Comirnaty (Pfizer) вакцинасын алды, оның ішінде 88 112 жасөспірім, 3982 жүкті және лактация кезеңінде 14 713 әйел адам бар.
Сондай-ақ, 217 072 адам ревакцинацияның толық курсынан өтті, оның ішінде 208 059 адам «QazCovid-in» және «SinopharmVeroCell» вакциналарын алса, 9013 адам Comirnaty (Pfizer) вакцинасымен егілді.
Қазіргі уақытта облыс тұрғындары үшін вирусқа қарсы препараттардың төрт түрі қолжетімді, олар: Гам-КОВИД-ВАК (Спутник V), «QazCovid-in», «SinopharmVeroCell» және жасөспірімдер, жүкті, бала емізетін әйелдер үшін, сондай-ақ 50 жастан асқан азаматтар және медицина қызметкерлері үшін Comirnaty (Pfizer).