Сервистік әкімдік ашылды
Мемілекет басшысы Қасым- Жомарт Тоқаев Қазақстан халқына жолдаған Жолдауында азаматтардың барлық сындарлы өтініш- тілектерін жедел әрі тиімді қарастыратын «Халық үніне құлақ асатын мемлекеттік» тұжырымдамасын іске асыру мақсатында Кеген аудандық әкімдігінің ғимаратының ішінен «Сервистік әкімдік» ашылды.
Сервистік орталықта аудан бойынша көрсетілетін 88 қызмет түрінің мұнда 29- ын бірден алуға болады. «Жұмыспен қамту және әлеуметтік бағдарламалар бөлімі», «Жер қатынастары бөлімі», «Сәулет және қалақұрлыс бөлімі», «Тұрғын- үй коммуналдық шаруашылық және тұрғын- үй инспекциясы бөлімі» және «Халықты жұмыспен қамту орталығының» мамандары халыққа қызмет көрсетеді және де Е- gov өзіне- өзі қызмет көрсету бұрышы, келушілердің жеке электронды цифрлық қолтанбалары арқылы өздеріне керекті мәліметтер мен анықтамаларды осы орталықта ала алады.
Сервистік әкімдіктің ашылу салтанатына аудан әкімі Талғат Ескендірұлы, мекеме, ұйым басшылары, ауыл әкімдерімен қатар облыс орталығынан арнайы келген Қазақстан Республикасының Мемлекеттік қызмет істері агентігінің Алматы облысы бойынша департаменті басшысының орынбасары Қобылан Тоқбергенұлы, Қазақстан Республикасы сыбайлас жемқорлыққа қарсы іс- қимыл агенттігінің Алматы облысы бойынша Департаментінің алдын алу және парасаттылық басқармасының басшысы Асқар Жұмаханұлы қатысып, жаңа ашылып жатқан «Сервистік әкімдіктің» жұмысына саттілік тіледі.
Қазақстан Республикасының Мемілекеттік қызмет істері агентігінің Алматы облысы бойынша департаменті басшысының орынбасары Қобылан Тоқбергенұлы, Қазақстан Республикасы сыбайлас жемқорлыққа қарсы іс- қимыл агенттігінің Алматы облысы бойынша Департаментінің алдын алу және парасаттылық басқармасының басшысы Асқар Жұмаханұлы «Сервистік әкімдіктің» ашылу салтанатынан кейін аудан әкімінің кіші мәжіліс залында жеке тұрғындарды қабылдап, сұрақтарына жеке- жеке жауаптар берді.
