Коалиция мүшелері Жалағаш ауылында орналасқан Ж. Ермегияев атындағы мектеп ұжымымен кездесу өткізді

Бүгін Коалиция мүшелері Жалағаш ауылында орналасқан Ж. Ермегияев атындағы мектеп ұжымымен кездесу өткізді.
Кездесу барасында жаңа Конституция жобасының саяси жүйені жаңғыртуға бағытталған нормаларын түсіндірді.
Сонымен қатар болашақ Құрылтай депутаттары пропорционалды сайлау жүйесі арқылы қалыптастырылатыны және заң шығару билігі толықтай сайланған өкілдерге тиесілі болатыны айтылды.
«Пропорционалды жүйе – қоғамның саяси құрылымын дәл көрсететін модель. Партиялар халық қанша дауыс берсе, сонша мандат алады. Бұл – сайлау нәтижесінің әділдігі мен саяси жауапкершіліктің айқындығын қамтамасыз ететін жүйе», – деді коалиция мүшесі Нұргүл Иманәліқызы.
Кездесу барысында ұстаздар өз сұрақтарын қойып, жан-жақты жауап алды.