Әбдіраманов Жақсылық Шәмиұлының 80 жылдық мерейтойына орай «Кегенім – өмірім, өнерім» атты кеш өтті
Әбдіраманов Жақсылық Шәмиұлының 80 жылдық мерейтойына орай «Кегенім – өмірім, өнерім» атты кеш өтті
Қазақ өнеріне өзіндік қолтаңбасын қалдырған ақын, композитор, әнші, сан қырлы дарын иесі, Райымбек, Кеген аудандарының Құрметті азаматы елге елеулі азамат – Әбдіраманов Жақсылық Шәмиұлының 80 жылдық мерейтойына арналған шығармашылық кеш өтті.
Кешке жазушы-журналист Жақыпжан Нұрғожаев, ҚР Еңбек сіңірген қайраткері, актер Омар Қиқымов, ҚР халық әртісі Рамазан Стамғазиев, ҚР Еңбек сіңірген қайраткері Ұлту Қабаева, Ұйғыр ауданы әкімінің орынбасары Ерасыл Толымбекұлы, ел ағасы, ауданның Құрметті азаматы, қоғам қайраткері Ұлдарбеков Босатқан, Қоғам қайраткері, ауданның Құрметті азаматы Тұрсынгүл Мұқанова, ҚР Еңбек сіңірген қайраткері, Алматы облысы, Кеген-Райымбек, Көксу аудандарының құрметті азаматы Нағима Таласбаева, Алматы облыстық тіл басқармасының бөлім басшысы Оқас Нұрмаман Төкенұлы, аудан әкімі Теңізбаев Нұрбақыт Молдахметұлы қатысты.
Кеш барысында Жақсылық Шәмиұлының «Кегенім- өмірім, өлеңім!» атты кітабының тұсаукесер рәсімі өтті.
“Кегенім- өмірім, өлеңім!” әндер жинағы – автордың туған өлкесіне, еліне деген перзенттік парызының, шығармашылық шабытпен өрілген сырлы саздарының көрінісіне негізделген.
Кеште аудан әкімі Нұрбақыт Молдахметұлы Жақсылық ағамыздың шығармашылығына тоқталып өтіп, 80 жылдық мерейтойымен құттықтады. Кеген ауданына сіңірген еңбегі еңбегі үшін төсбелгісін тақты.
Кеш барысында ақынның өлеңдері оқылып, әуезді әндері шырқалды.
