Таубалдиев Болат пікір

Конституция – біздің еліміздің басты заңы, халықтың құқықтары мен бостандықтарын қорғайтын құжат. Сол себепті оған енгізілетін кез келген түзетулер терең ойластырылған, әділ және халыққа нақты пайда әкелетіндей болуы керек.

Ардагер ретінде мен өзім өмір бойы халыққа қызмет етіп, қиындықтар мен сынақтарды көріп, қоғамның дамуына үлес қосуға тырыстым. Осы тәжірибемнен түйгенім: ел бірлігі мен тұрақтылығы – әр азаматтың құқығы мен әлеуметтік қауіпсіздігі қамтамасыз етілгенде ғана нығаяды. Конституциялық түзетулер осы мақсатқа бағытталса, біз оны қуана қолдаймыз.

Конституциядағы түзетулер жастарға сенімді болашаққа жол ашса, ол еліміз үшін үлкен игілік болады.

Біз өз дәстүрімізді, тіл мен мәдениетімізді, ата-баба аманатын сақтап қалуымыз керек. Конституциялық түзетулер осы құндылықтарды нығайтып, әрбір азаматтың қоғамдағы орны мен жауапкершілігін күшейтсе, бұл үлкен жетістік болар еді.

Жылысай ауылдық округінің ардагерлер кеңесінің төрағасы Таубалдиев Болат