233 қызмет алушының құқығы қалпына келтірілді
233 қызмет алушының құқығы қалпына келтірілді
Мемлекеттік қызмет істері агенттігінің Алматы облысы бойынша департаменті қызметінің басым бағыттарының бірі – халыққа сапалы мемлекеттік қызмет көрсетуді қамтамасыз ету. Бұл ретте, қызмет алушылардың құқықтарын қалпына келтіруге ерекше назар аударылады.
Жалпы қызмет алушылардың құқықтарын қалпына келтіру жұмыстары қоғам өмірінің әр түрлі салаларын қамтиды.
Департаментпен азаматтардың құқықтарының бұзылуын анықтау және қалпына келтіру үшін олардың арыздарын күтпей-ақ, қашықтықтан мониторинг жүргізу тәсілімен де қызмет алушылардың құқықтарын қалпына келтірілу жұмыстары жүргізіледі.
Мәселен, Департамент ағымдағы жылдың 4-тоқсанында Агенттіктің тапсырмасы негізінде ақпараттық жүйелер арқылы қашықтықтан мониторинг жасау барысында «Мектепке дейінгі ұйымдарға жіберу үшін мектеп жасына дейінгі балаларды (6 жасқа дейін) кезекке қою» мемлекеттік қызметі бойынша Алматы облысының бірқатар мектепке дейінгі білім беру ұйымдарымен құжаттарды қабылдау жүргізілмейтіндігі анықталды.
Өз кезегінде, Мектепке дейінгі білім беру саласында мемлекеттік қызметтер көрсету қағидаларының (Қазақстан Республикасы Білім және ғылым министрінің 2020 жылғы 19 маусымдағы №254 бұйрығымен бекітілген) талаптарына сәйкес көрсетілетін қызметті беруші құжаттар келіп түскен күні оларды қабылдауды және тіркеуді жүзеге асыруы тиіс.
Алайда қашықтықтан мониторинг жүргізу барысында бірқатар ата-аналардың өтініштері тіркелінбей тұрғандығы анықталды. Нәтижесінде Департаменттің тиісті ұсынымының негізінде 233 ата-ананың бұзылған құқықтары жолдаған өтініштерін тіркеу арқылы қалпына келтірілді.
Жалпы бұдан әрі де Департаментпен мемлекеттік көрсетілетін қызметтердің сапасын арттыру бағытандағы жұмыстар жалғаса бермек.
Қазақстан Республикасы Мемлекеттік қызмет істері агенттігінің Алматы облысы бойынша департаментінің бас маманы – Атайбеков Сержан Ерғалиұлы
