Қызмет алушының құқығы қалпына келтірілді
Қызмет алушының құқығы қалпына келтірілді
Мемлекеттік қызмет істері агенттігінің Алматы облысы бойынша департаменті қызметінің басым бағыттарының бірі – халыққа сапалы мемлекеттік қызмет көрсетуді қамтамасыз ету. Бұл ретте, қызмет алушылардың құқықтарын қалпына келтіруге ерекше назар аударылады.
Жалпы қызмет алушылардың құқықтарын қалпына келтіру жұмыстары қоғам өмірінің әр түрлі салаларын қамтиды, оның ішінде келіп түсетін арыз-шағымдардың басым бөлігі жер қатынастары саласына тиесілі болатындықтан осы салада да қызмет алушылардың құқықтары қалпына келтіріледі.
Мәселен, а.ж. Департаментке келіп түскен шағымдарды қарау барысында «Жер учаскесінің нысаналы мақсатын өзгертуге шешім беру» мемлекеттік қызметін алу үшін ауылдық округ әкіміне берген қызмет алушының өтінішіне аудандық сәулет және қалақұрылысы бөлімімен мемлекеттік қызметті көрсетуден негізсіз бас тартылғандығы анықталды.
Қызмет алушы өтніште жер учаскесінің нысаналы мақсатын «шаруа қожалығын жүргізуден» «өзіндік қосалқы шаруашылық» үшін өзгертуге сұраған. Аудандық сәулет және қалақұрылысы бөлімі жер учаскесі жолға түсіп тұр деген қорытынды беріп, қызмет көрсетуден бас тартқан.
Алайда шағымды қарау барысында Департаментпен ауылдың бас жоспарына сәйкес жер учаскесі қора-жай үлгісіндегі жеке тұрғын үй құрылысы аумағында орналасқандығы, яғни сұратылып отырған нысаналы мақсатына өзгертуге болатындығы анықталды.
Нәтижесінде жер учаскесінің нысаналы мақсатын өзгертуге рұқсат беруден негізсіз бас тартқаны үшін тиісті лауазымды тұлға Әкімшілік құқық бұзушылық туралы кодекстің 465-бабы 2-бөлігі бойынша әкімшілік жауапкершіліке тартылып, Департаменттің ұсынысы негізінде қызмет алушының жер учаскесінің нысаналы мақстаы өзгертіліп берілді, яғни қызмет алушының құқығы толығымен қалпына келтірілді.
Қазақстан Республикасы Мемлекеттік қызмет істері агенттігінің Алматы облысы бойынша департаментінің бас маманы – Құлмұханбетова Гүлназ Әшірбайқызы
