Менингококк инфекциясының алдын алу
Менингококк инфекциясы — жедел респираторлы бактериялды қоздырғышы ауа- тамшысы механизімімен берілетін, назофарингит (мұрын мен жұтқыншақ шырышты қабығының қабынуы), менингит (ми қабығының қабынуы) және менингококкты сепсис (инфекцияның қанға жұғуы) түрінде өтетін жұқпалы ауру.
Инфекция көзі – ауру адам және «дені сау таратушы» (қандай да бір клиникалық көріністері жоқ, бірақ менингококкты тасымалдаушы).
Менингококк инфекциясының маусымдылық кезеңі қыс және көктем мезгілдеріне келеді.
Инфекцияның таралу жолы – ауа тамшылы (жөтелгенде, түшкіргенде, сөйлегенде).
Инфекцияның қоздырғышы сыртқы ортада өте тұрақсыз.
Микробтар науқаспен немесе тасымалдаушымен ұзақ және тығыз қарым-қатынас кезінде жоғарғы тыныс жолдарының шырышты қабаттары арқылы дені сау адамның организміне енеді.
Инфекция жұқтырғаннан бастап ауру басталғанға дейін 1-10 күнге дейін созылады.
Науқас айналасындағы адамдар үшін аурудың алғашқы күндерінен бастап жұқпалы болады.
Көбінесе иммундық жүйесі қалыптаспағандықтан 5 жастан кіші жастағы балалар ауырады, сондай-ақ жасөспірімдер мен жас адамдар ауырады, себебі бұл жас көптеген қауіп факторларының жиынтығымен ерекшеленеді – бұл адамдардың көп жиналған жерде жүру, темекі шегу, сусындар бір ыдыстан ішу және т. б.
Менингит үшін аурудың кенеттен басталуы тән:
• кенеттен қатты бас ауруы, құсу,
• 6-15 сағаттан кейін бөртпе пайда болады,
• дене қызуының 39-40°С дейін көтерілуі,
• қалтырау, тері бозаруы, жалпы әлсіздік,
• арқада және аяқ-қолда ауырсыну, шөлдеу, тәбетінің төмендеуі.
Катаралды көріністерімен (тамақтың қызаруы, дене қызуының көтерілуі, бас ауру, әлсіздік) аурудың алғашқы белгілері пайда болғанда дәрігерге қаралу және оның ұсыныстарын орындау қажет.
Ауру тұмау, тамақ ауруы, мұрынның бітелуі, тонзилит және т.б. сияқты салыстырмалы түрде «зиянсыз» ауруға ұқсап жеңіл түрде өтуі мүмкін, сондықтан өте қауіпті.
Салқын тиіп, ауырып, шаршап, организмнің қорғаныш күштері әлсірегенде менингококк бастың ми қабықшасына енеді және қабынуды тудырады.
Алдын алу:
Әртүрлі мәдени-көпшілік іс-шараларға қатысуды, жүзу бассейндеріне, сауда-ойын сауық орындардағы ойын алаңдарына баруды шектеу, жеке гигиенаны сақтау қажет.
Үй-жайды жиі желдету, ұйымдастырылған ұжымдарда күнделікті ылғылды тазалау жұмыстарын жүргізу керек.
Суық тию белгілері бар (жөтелу, мұрынның бітелуі, түшкіру және басқалар) адамдармен қарым-қатынасты болдырмау.
Қайнаған немесе бөтелкедегі суды тұтыну қажет.
Суық тию, ашығу, ұйықтамау, күйзелісті болдырмау.
Созылмалы инфекциясы бар ошақтарды санациялау, балаларды ЛОР-ға тұрақты түрде және мүмкіндігінше профилактикалық мақсатта бару керек.
Ауырып ем іздегенше, алдын-алу оңай екенін есте ұстаған жөн!
Кеген аудандық СЭББ бас маманы.
